Elordadaǵy kólik apaty: Áıel adam jedel járdem kelgenshe kóz jumǵan
NUR-SULTAN. QazAqparat - Jeksenbi kúni Nur-Sultan qalasyndaǵy «Gúljan» saýda úıiniń mańynda bolǵan kólik apatynyń jaı japsaryn qalalyq qoǵamdyq densaýlyq saqtaý basqarmasy basshysynyń orynbasary Álııa Rústemova aıtyp berdi, dep habarlaıdy QazAqparat tilshisi.
BAQ ókilderiniń suraǵyna jaýap bergen Álııa Rústemova apattan kóz jumǵan áıel jedel járdem kóligi kelgende esin bilip jatqan degen aqparattyń jalǵan ekenin aıtty.
«Gúljan» saýda úıiniń aýdanynda eki jeńil kólik soqtyǵysyp, gazet satatyn dúńgirshekke kirip ketken. Dúńgirshek mańynda bolǵan adamdar zardap shegip, 1967 jylǵy áıel adam oqıǵa ornynda kóz jumdy. Jaraqattyń aýyr bolǵany sonshalyq, ol dárigerler jetkenshe jan tapsyrǵan. Jedel járdem oqıǵa ornynda «bıologııalyq ólim» tirkedi», - deıdi basqarma ókili.
