Elordadaǵy kólik apaty: Avtobýs júrgizýshisi mert boldy
NUR-SULTAN. QazAqparat - «Astana LRT» elordada úsh avtobýstardyń apatynan mert bolǵandar týraly aqparatty málim etti, dep habarlaıdy QazAqparat tilshisi.
«Qaza bolǵandardyń biri - ol birinshi bolyp soqtyǵysqan avtobýs júrgizýshisi. Qazirgi kezde apattyń sebepteri anyqtalyp jatyr. ıAǵnı avtobýs júrgizýshisiniń kólikterdiń soqtyǵysýy kezinde nemese apatqa deıin kóz jumǵandyǵy belgisiz bolyp tur», - dedi «Astana LRT» JShS qoǵammen baılanys departamentiniń basshysy Naýat Azanbaeva.
Onyń sózine qaraǵanda, mert bolǵan adamnyń aty-jóni jáne onyń qaı avtobýsta otyrǵandyǵy naqtylanyp jatyr.
Aıta keteıik, áleýmettik jelide tarap ketken vıdeodan qala mańy baǵdaryndaǵy № 303 avtobýs qatty jyldamdyqpen toqtap turǵan avtobýsqa soǵylǵany aıqyn kórinip tur.
Budan buryn habarlanǵandaı, elordada avtobýstar apatynyn eki adam kóz jumdy.
26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy boldy. Qala mańy baǵdaryndaǵy № 301 avtobýs № 12 avtobýspen soqtyǵysty. Sonyń ekpinimen olar № 53 avtobýsqa jáne jedel járdem kóligine baryp soǵyldy.
