Elordadaǵy qoǵamdyq kólikterde tegin ınternet iske qosylady
ASTANA. QazAqparat - Astana qalasy ákimdigi men «Beeline Qazaqstan» 2015 jyly Astananyń 100 qoǵamdyq kólikte tegin ınternetti iske qosý boıynsha kelisti.
2015 jyldyń 17 sáýirinde Astana qalasy ákiminiń orynbasary Nuráli Álıev «Beeline Qazaqstannyń» bas dırektory Taras Parhomenkomen kezdesý ótkizdi.
Kezdesý barysynda «Beeline Qazaqstan» kompanııasy ústimizdegi jyly elordanyń 100 qoǵamdyq kóliginde tegin ınternet júıesin iske qosatyny týraly kelisildi. Aǵymdaǵy jyldyń 1 shildesinen bastap 50 qalalyq avtobýs jolaýshylary tegin ınternetpen qoldana bastasa, 1 qazannan bastap taǵy 50 avtobýsta tegin ınternet iske qosylady.
- Búginde smartfondar men planshetterdi paıdalaný deńgeıi kún sanap artyp kele jatqandyqtan, elorda turǵyndary úshin mobıldi ınternettiń kez kelgen jerde qoljetimdi bolýyna qajettilik týyndap otyr. Atalǵan jobanyń basymdylyǵy - jolaýshylardyń barlyǵyna birdeı qoljetimdi bolýynda jáne bul rette olardyń qaı baılanys operatorynyń qyzmetin paıdalanatyny mańyzdy emes, - dedi ákim orynbasary N. Álıev.
Jobanyń seriktesteri - Astana ákimdigine qarasty mekemeler: «Astana Innovations» AQ ınnovatsııalyq damý operatory jáne elordanyń kólik ınfraqurylymy damýynyń operatory «Astana LRT» JShS, dep habarlaıdy astana. kz.
