Elordadaǵy qoǵamdyq kólikter qalypty jumys rejımine kóshti
NUR-SULTAN. QazAqparat - Nur-Sultanda karantınnen keıin avtobýstardyń júrý kestesi qaıta qalpyna keltirildi, dep habarlaıdy QazAqparat Memlekettik komıssııanyń shuǵyl shtabynyń Telegram paraqshasyna silteme jasap.
Búginnen bastap avtobýstar tańǵy saǵat 06:00-den bastap túngi 22:00-ge deıin júredi. 12 mamyr kúni qoǵamdyq kólik qozǵalysy qaıta bastalǵan kúni jolaýshylar aǵyny – 146 907 adamǵa jetti. Keshe 14 mamyrda taǵy eki esege jýyq ulǵaıyp, 226 000 adamǵa jetti.
Sanıtarlyq-karantındik rejım talaptary kúshin joıǵan joq, áli de qorǵanysh maskasyn kıip, qashyqtyqty saqtaý mindetteledi.
