Elordadaǵy Kishi Taldykóldiń taǵdyry ne bolmaq - ákimdik túsinik berdi
NUR-SULTAN. QazAqparat – Kópshilikti mazalap, jurtshylyqty tolǵandyrǵan Kishi Taldykól taǵdyryna qatysty Nur-Sultan qalasynyń ákimdigi taǵy bir ret resmı túsinikteme berdi, dep habarlaıdy QazAqparat tilshisi.
«Áńgimeni Taldykól kóli men sýly-batpaqty Kishi Taldykólmen shatastyrmaý kerektiginen bastaǵym kelip tur. Elordanyń bas josparyna sáıkes, qalanyń shyǵysynda ornalasqan Taldykól kóliniń boıynda kópqabatty turǵyn úı salý josparlanyp otyr. Árıne turǵyn úıden bólek, mektep, balabaqsha, emhana jáne basqa da áleýmettik nysandar turǵyzylmaq. Osy tusta aıtarym, kóldiń ózine tıispeımiz, kerisinshe onyń mańyna úı salyp, ınfraqurylymdy damytamyz. Sol sııaqty batpaqty las sýdy tazartýdy kóldi joıý dep túsinetin sekildi. Bizde kóldi joıý maqsaty joq, kerisinshe onyń las batpaqtan tazartyp, saqtap qalmaqpyz. Sebebi ekologııalyq kórsetkishter boıynsha onyń sýly-batpaǵy las ári zııan»,- dedi Nur-Sultan qalasy sáýlet, qala qurylysy jáne jer qatynastary basqarmasynyń basshysy Nurlan Uranhaev elorda ákimdiginde ótken baspasóz máslıhatynda.
Onyń aıtýynsha, qazirgi tańda Kishi Taldykóldi zaııandy zattardan tazartýǵa daıyndyq jumysy júrip jatyr.
«Kishi Taldykól - baıaǵydan batpaqty jer. Onyń aýmaǵyna Tselınograd kezinde káriz qaldyqtaryn tastaǵan. Ekolog retinde aıtarym, qalanyń ishinde nemese jaqyn jerde jaǵymsyz ıisi bar obekt bolmaýy kerek. Bul týraly BUU-nyń da tıisti standarty bar. Bul jerde qala ákimdigi kóldi saqtap qalýdyń qamyn jasap jatyr. ıAǵnı, turǵyn úıdi salýshy kompanııaǵa kóldi tazartyp, saqtap qalý talabyn qoıyp otyr. Jasandy basseın bolmaq, onyń aýmaǵy - 20 gektar. Onyń ústine mańynda saıabaq bolady. Eger rasymen kól tazartylyp, saqtalyp qana qoımaı, ondaǵy ınfraqurylym rettelse, bul - sol kóldiń bolashaǵy úshin kúresken ekologtardyń jeńisi dep bilemin», - deıdi «Baıtaq bolashaq» respýblıkalyq qoǵamdyq birlestiginiń prezıdenti Azamathan Ámirtaı.
