Elordadaǵy kırpıchnyı shaǵynaýdanyndaǵy nóser kárizderine monıtorıng júrgizildi

NUR-SULTAN. QazAqparat - Búgin «Sapaly jol» jobasy aıasynda Nur-Sultan qalasy boıynsha sybaılas jemqorlyqqa qarsy is-qımyl departamenti «Baıqońyr» aýdany ákimi apparatynyń ókilderimen, sondaı-aq qoǵam ókilderimen birlesip, Kırpıchnyı shaǵynaýdanyndaǵy nóser kárizderiniń jaǵdaıyna monıtorıng júrgizdi, dep habarlaıdy QazAqparat atalmysh Departamenttiń baspasóz qyzmetine silteme jasap.

Júrgizilgen monıtorıng barysynda erigen sýdyń bolýyna jáne asfaltbeton jabynynyń buzylýyna baılanysty jol jabynynyń sapasyna

áser etetin tazartý qurylystaryn kútip ustaý boıynsha merdigerlik uıymdardyń sapasyz jumys isteý faktisi anyqtaldy.

Kırpıchnyı shaǵynaýdany aýmaǵyndaǵy tazartý qurylystary qala balansyna berilmegenin atap ótý qajet.

Júrgizilgen jumys qorytyndysy boıynsha «Baıqońyr» aýdany ákiminiń apparatyna anyqtalǵan buzýshylyqtardy joıý boıynsha sharalar qabyldaý jáne merdigerlik uıymdardyń qyzmetine baqylaýdy kúsheıtý usynyldy.

Sonymen qatar, «Astana – adaldyq alańy» jobasynyń menedjerlerimen jol jabynynyń aqaýlaryn anyqtaý maqsatynda qala kóshelerin aralaý júzege asyryldy, onyń sheńberinde jol qozǵalysynyń qaýipsizdigine áser etetin joldardyń problemalyq ýchaskeleri tirkeldi.

Bul baǵyttaǵy jumys jalǵasatyn bolady.