Elordadaǵy keıbir kóshelerde qozǵalys 22 qarashaǵa deıin toqtatylady
NUR-SULTAN. QazAqparat – Elordadaǵy J. Táshenov kóshesinde nóser káriziniń magıstraldyq kollektoryn salý jumystarynyń júrgizilýine baılanysty 22 qazannan 22 qarashaǵa deıin A. Baraev kóshesiniń qıylysy men J.Táshenov sholaq kóshesindegi qozǵalys jabylatyn bolady, dep habarlaıdy QazAqparat qala ákimdiginiń resmı saıtyna silteme jasap.
Kólik quraldarynyń qozǵalysy ýaqytsha shema boıynsha uıymdastyrylady.
«Nur-Sultan qalasynyń polıtsııa departamenti qala joldarynda keptelis týdyrmas úshin kólik júrgizýshilerine óz marshrýttaryn aldyn ala josparlaýdy usynady. Jóndeý jumystary júrgizilip jatqan nemese aıaqtalmaǵan jol ýchaskelerine barynsha muqııat bolý jáne Qazaqstan Respýblıkasynyń Jol qozǵalysy erejeleriniń talaptaryn saqtaı otyryp, ýaqytsha shema boıynsha belgilengen jol belgilerin basshylyqqa alý qajet», – delingen taratylǵan habarlamada.
Osy ýchaskedegi jyldamdyq 40 km/saǵ deıin shektelgen.
