Elordadaǵy «Kenesary» turǵyn úı kesheninen órt shyǵyp, 5 jasar balany kúıik shaldy

Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.

Vedomstvonyń aqparatyna sáıkes, búgin tańǵy saǵat 04:16-da Saryarqa aýdanynda ornalasqan 12 qabatty «Kenesary» turǵyn úı kesheninde órt shyǵyp, araǵa shamamen 2 saǵat ýaqyt salyp sóndirildi. Jalyn tili 20 sharshy metr aýmaqty sharpyǵan. Kúıik shalǵan 5 jasar sábı aýrýhanaǵa jetkizildi. Tilsiz jaýdy aýyzdyqtaý barysynda 47 adam qaýipsiz jerge kóshirildi.

Órtti sóndirýge QR TJM Astana qalalyq tótenshe jaǵdaılar departamenti órt sóndirý qyzmetiniń jeke quramyndaǵy 25 maman men 6 tehnıka jumyldyryldy.