Elordadaǵy qazirgi zamanǵy óner murajaıy «Astana jáne Prezıdent» fotokórmesin usyndy

ASTANA. QazAqparat - Tuńǵysh Prezıdent kúnine oraı Astana qalasynyń qazirgi zamanǵy óner murajaıy «Astana jáne Prezıdent» fotokórmesin ázirledi, dep habarlady murajaı dırektory Nellı Shıvrına.

«Qazirgi zamanǵy óner murajaıy memlekettik mańyzy bar kez kelgen mańyzdy sharaǵa kóńil bólip otyrady. Murajaıdyń bolý-bolmaýy, qaıta qurylýy týraly máseleniń sheshilip otyrǵanyna qaramastan - biz ózimizdiń toptamamyzdy «Astana» Ulttyq sýret galereıasyna berdik - murajaı jumysyn jalǵastyrýda jáne Tuńǵysh Prezıdent kúnine arnalǵan sharalar ótkizilýde. 90-shy jyldary ótkizilgen saılaý Prezıdentimizdiń turaqtylyǵyn, onyń ómirge degen adal kózqarasyn kórsetýde», - dep atap ótti murajaı dırektory.

Onyń aıtýynsha, fotokórmede Memleket basshysynyń elordany qalyptastyrýdaǵy rólin kórsetilgen. «Jyljymaly kórmeler áskerı bólimderde, «Jas Ulan» mektebinde, balabaqshalarda ótkizilýde», - dep baıandady QazAqparat tilshisine Nellı Shıvrına.