Elordadaǵy QazATÝ-da oqytýshylar men qyzmetkerler arasyndaǵy «Sergektik jáne densaýlyq» dástúrli spartakıadasy bastaldy
ASTANA. Qańtardyń 10-y. QazAqparat /Gúlmıra Álıakparova/ - Astanadaǵy S.Seıfýllın atyndaǵy Qazaq agrotehnıkalyq ýnıversıtetinde oqý orny oqytýshylary men qyzmetkerleri arasynda «Sergektik jáne densaýlyq» atty dástúrli spartakıada bastaldy,
dep habarlaıdy QazAqparat.
Bul kúnderi ýnıversıtettiń sport kesheninde voleıboldan erler men qyzdar komandalary arasyndaǵy top ishindegi kezdesýler ótýde. Alǵashqy kúnnen bastap qorjynyn jeńis upaılarymen toltyrǵandar arasynda agronomııa, energetıka jáne tehnıkalyq fakýltetter men ákimshilik-sharýashylyq bólim komandalary bar. Kezdesýler qańtardyń 10-yna deıin sozylady.
Odan keıin sportshylar shaǵyn fýtbol, shahmat, ústel tennısi men prezıdenttik qysqy kópsaıystan kúsh synasady. Bul sport túrlerimen ýnıversıtet oqytýshylary jıi shuǵyldanatynyn da atap ótken jón.
«Oqytýshylar arasyndaǵy spartakıada ádettegideı tartysty bastaldy», - deıdi uıymdastyrýshylardyń biri, ýnıversıtet sport klýbynyń tóraǵasy Serikjan Súleımenov. Sebebi, tek qana voleıbol jarystaryna 100-ge jýyq sportshy qatysýǵa nıet bildirgen.
Spartakıada 2010 jylǵy qańtardyń 31-ine deıin jalǵasady. Jeńimpazdardy baǵaly syılyqtarmen birge sergektik pen densaýlyq kútip turǵanyna shúbá joq.
