Elordadaǵy Qazaqstan Ulttyq mýzeıinde «Murajaı jáne qoǵamnyń turaqty damýy» respýblıkalyq konferentsııasy jumysyn bastady
Bul týraly QR MSM baspasóz qyzmeti habarlady.
Konferentsııanyń basty maqsattaryna adamzat damýynyń jańa qaǵıdattaryn talqylaý, «Máńgilik el» ulttyq ıdeıasyna qoldaý kórsetý, jalpyqazaqstandyq mádenıetti tanytý jospary, mýzeılerdiń Qazaq Handyǵynyń 550 jyldyǵy, Qazaqstan halqy Assambleıasynyń 20 jyldyǵy men Uly Otan soǵysyndaǵy Jeńistiń 70 jyldyǵyn toılaýy kiredi.
«Tabıǵatty qorǵaý «Máńgilik el» prıntsıpteriniń birine aınalýy qajet. Mýzeılerdiń aldyna eldiń «jasyl ekonomıkaǵa» kóshýine úles qosatyn óz qajettilikterin qanaǵattandyrýǵa tabıǵı resýrstardy tıimdi paıdalaný mádenıetin qalyptastyrý, adamdardy jańa tehnologııalarmen shuǵyldanýǵa shaqyrý, bolashaq energııasyn damytýda qalyptasqan tájirıbeni kórsetý sekildi mindetter qoıylady. Bul konferentsııa murajaıdy osy baǵytta jumys jasaýǵa shaqyrady», - dedi Halyqaralyq Murajaılar Odaǵy IKOM Qazaqstan Ulttyq Komıtetiniń prezıdenti Úmithan Dáýrenbekqyzy Muńalbaeva.
Sonymen qatar kezdesý barysynda jyl qorytyndylary talqylanyp, Prezıdent tapsyrmalaryna sáıkes jańa maqsattar men mindetter qoıylatyn bolady.
Halyqaralyq Murajaılar Odaǵy IKOM bastamasymen 1977 jyldan beri Halyqaralyq murajaılar kúni 18 mamyrda toılanyp, bul kúni álemniń túkpir-túkpirinde qoǵam damýynyń ózekti máselelerin qozǵaıtyn konferentsııalar ótkiziledi.
Halyqaralyq Murajaılar Odaǵymen birlese otyryp, IKOM Qazaqstan el mýzeıleriniń damýymen aınalysady. IKOM Qazaqstan bundaı kezdesýler men murajaı qyzmetkerleriniń shetelde taǵylymdamadan ótýin únemi uıymdastyryp otyrady. Komıtet ıÝNESKO, ISESKO, QR Mádenıet jáne sport mınıstrligimen tyǵyz baılanys ornatty. «IKOM Qazaqstan. Qazaqstan murajaılarynyń muralary» jáne «Astana mádenı murasy» atty eki ǵylymı-tanymdyq jýrnaldaryn basyp shyǵarady. «Astana mádenı murasy» jýrnaly Halyqaralyq Murajaılar Odaǵynyń bastamasymen IKOM álemdik jýrnaldarynyń tizilimine ilikti.
Alqa otyrysynan keıin Qazaqstan Respýblıkasy Mádenıet jáne sport mınıstrligi murajaı isiniń úzdik ókilderin madaqtamalar men «Mádenıet salasynyń úzdigi» medaldarymen, «Jyl murajaıy» dıplomdary jáne IKOM Qazaqstan tós belgilerimen marapattady.
