Elordadaǵy qasqyrlar týraly jalǵan aqparat taratqandar izdestirilýde
NUR-SULTAN. QazAqparat – Elorda aýmaǵynda qasqyrlar kirgeni týraly jalǵan aqparat taratqandar izdestirilýde. Bul týraly Nur-Sultan qalasy Almaty aýdany tabıǵatty qorǵaý polıtsııa bólimshesiniń basshysy Vladımır Kolıagın málim etti, dep habarlaıdy QazAqparat.
«Áleýmettik jelilerde elorda aýmaǵynda qasqyrlardyń júrgeni týraly aqparat shyndyqqa janaspaıdy. Polıtsııa qyzmetkerleri jalǵan habarlamalardy taratqan avtorlardy izdestirýde», - dedi V. Kolıagın.
Osy oraıda ol jalǵan aqparat taratqany úshin qylmystyq jaza qarastyrylǵanyn, ekiden bes jylǵa deıin bas bostandyǵynan aıyrý túrindegi jaýapkershilik bar ekenin aıtty.
«Qala turǵyndaryn taralǵan jalǵan aqparatqa oraı dúrbeleń týdyrmaýǵa, sondaı-aq osy tektes rolıkterge jáne negizsiz qaýesetterge senbeýge shaqyramyz», - dedi Vladımır Kolıagın.
Budan buryn habarlanǵandaı, QR Ekologııa, geologııa jáne tabıǵı resýrstar mınıstrliginiń ókili elorda aýmaǵyna jáne qala mańyndaǵy eldi mekenderge qasqyrlar kirmegenin málimdedi.
