Elordadaǵy kásipqoı boks keshi: Qazaqstandyqtardyń qarsylastary anyqtaldy

NUR-SULTAN. QazAqparat – 16 jeltoqsanda Nur-Sultan qalasynda ótetin kásipqoı boks keshinde aıqasatyn juptar belgili boldy, dep habarlaıdy QazAqparat Sports.kz-ke silteme jasap.

Shoýdyń basty oqıǵasy ekinshi orta salmaqtaǵy WBC Asia, WBO Global jáne WBA International chempıony Aıdos Erbosynuly (14-0, 9 KO) men ganalyq Issa Samırdiń (19-0, 16 KO) jekpe-jegi bolmaq. Sondaı-aq áýesqoılar arasyndaǵy álem chempıony Bekzat Nurdáýletov profıdegi ekinshi aıqasyn ótkizedi.

BoxRec.com aqparaty boıynsha, kesh jankúıerleri, sondaı-aq ózge 4 qazaqstandyqtyń jekpe-jekterin tamashalaı alady:

Bek Nurmaganbet (2-0, 1 KO) — Emmanýel Danso (Gana, 32-5, 26 KO);

Evgenıı Pavlov (2-0, 2 KO) — Alı Lorel (Fılıppıny, 18-4-1, 11 KO);

Bekzat Nurdáýletov (1-0, 1 KO) — Kabırý Tovolavı (Nıgerııa, 13-2, 10 KO);

Danıla Semenov (1-0, 1 KO) — Abraham Tabýl (Gana, 17-4-1, 13 KO).

Shoý Nur-Sultan ýaqyty boıynsha 21:30-da bastalyp, «Habar» telearnasynan tikeleı efırde kórsetiledi. Boks keshi barlyq sanıtarlyq talaptardy saqtaı otyryp, kórermensiz ótkiziledi.

«SuleimenPromotions» promoýterlik kompanııasy uıymdastyratyn kesh týraly QazAqparat keshe habarlaǵan bolatyn.