Elordadaǵy Qabanbaı, Turan dańǵyldaryna kólik keptelisi kúsheıedi – Polıtsııa úndeý jarııalady

ASTANA. QazAqparat – Elordanyń polıtsııa departamenti Qazaqstan jáne Fınlıandııa quramalarynyń arasyndaǵy fýtbol matchyna baılanysty kólik ıelerine keshki marshrýttaryn aldyn ala josparlaýǵa shaqyrdy, dep habarlaıdy QazAqparat tilshisi.

«Astana qalasynyń polıtsııa departamenti 7 qyrkúıek kúni «Astana Arena» stadıonynda Qazaqstan men Fınlıandııa arasynda fýtboldan ótetin kezdesýge baılanysty qala turǵyndary men qonaqtaryna qaýipsizdik úshin Turan jáne Qabanbaı dańǵyldarynda kólik tyǵyny bolýy yqtımal ekenin eskerip, marshrýtty aldyn ala josparlaýǵa keńes beredi», - delingen departamenttiń baspasóz qyzmeti taratqan málimette.

Ákimdik osy matchqa arnap qosymsha qoǵamdyq kólik uıymdastyryp otyr.

«Stadıonnyń kólik turaǵyna baǵyttalǵan qozǵalys shekteledi. Astananyń halyqaralyq áýejaıy aýmaǵyna baratyn sapardy aldyn ala josparlaýǵa keńes beremiz.

Qurmetti jankúıerler! Sadıon aýmaǵyna plastık jáne shyny quty, tesetin, kesetin qural, oq atatyn qarý men pırotehnıka zattaryn alyp kirýge tyıym salynady.

Alkogol, esirtki zattaryn, shylym qospalaryn tutynýǵa, qoqys tastaýǵa arnalmaǵan jerge qoqys qaldyrýǵa qatań tyıym salynady», - delingen resmı habarlamada.