Elordadaǵy Qabanbaı batyr dańǵylyn jóndeýge jabý shemasy usynyldy
NUR-SULTAN. QazAqparat – Nur-Sultan qalasynyń Polıtsııa departamenti jóndeý jumystaryna baılanysty Qabanbaı batyr dańǵylyn kezeń-kezeńimen jabý shemasyn usyndy, dep habarlaıdy QazAqparat.
Buǵan deıin 24-27 tamyz kúnderi Qabanbaı batyr dańǵyly boıymen «Nura-Esil» kanalynan «Ońtústik aınalma jol» aıyryǵyna deıin kólik qozǵalysy toqtatylatynyn jazǵan bolatynbyz.
Joldyń jabylý syzbasy:
- 24 tamyzda «Nura-Esil» kanalynan Máńgilik el dańǵylynyń qıylysyna deıin;
- 25 tamyzda Máńgilik el dańǵylynyń qıylysynan Jańadarııa kóshesine deıin.Prıgorodnyı kenti men saıajaı massıviniń turǵyndary «Nura-Esil» kanaly aýdanyndaǵy Qabanbaı batyr dańǵylynan Turan dańǵylyna qaraı shyǵa alady. Sondaı-aq Arnasaı kóshesi arqyly «Ońtústik aınalma jolǵa» deıin júrýge bolady.
- 26 tamyzda Jańadarııa kóshesinen «Ońtústik aınalma jol» kólik aıryǵyna deıin jabylady.
Áýejaıǵa baratyn júrgizýshiler marshrýtty «Ońtústik aınalma jol» arqyly josparlaǵany jón.
«Qurmetti júrgizýshiler! Atalǵan ózgeristerdi nazarǵa alyp, túsinistikpen qaraýdy suraımyz jáne jóndeý jumystary aıaqtalǵanǵa deıin jabyq ýchaskelerdi qospaǵanda, marshrýttaryńyzdy aldyn ala josparlaýdy suraımyz.
Jol qozǵalysy men qaýipsizdikke qatysty barlyq suraqtar men usynystar boıynsha 69-75-75, 71-69-77, WhatsApp 8-705-295-86-20 telefondary arqyly Nur-Sultan qalasy Polıtsııa departamenti Ákimshilik polıtsııa basqarmasynyń Call-ortalyǵyna habarlasýǵa bolady», - delingen vedomstvo málimetinde.
