Elordadaǵy Qabanbaı batyr dańǵyly ýaqytsha jabyldy
ASTANA. QazAqparat - Elordada Qabanbaı batyr dańǵylyndaǵy jolǵa ortasha jóndeý jumysy júrgizilýde, dep habarlaıdy Astana ákimdiginiń resmı saıty.
Ortasha jóndeý jol qozǵalysy qaýipsizdigin qamtamasyz etý maqsatynda qalanyń PD ákimshilik polıtsııa basqarmasynyń kelisimi boıynsha júzege asyrylady. Qabanbaı batyr dańǵyly boıynsha Qorǵaljyn tas jolynan Saraıshyq kóshesine deıin jumys júrgizilýde. Osyǵan baılanysty bıyl 31 mamyrdan 4 maýsymǵa deıin joǵaryda atalǵan ýchaskede avtokólik quraldary úshin qozǵalys tolyǵymen jabylatyn bolady.
Elorda turǵyndary men qonaqtary jol-qurylysynyń júrgizilýine túsinistikpen qaraýdy jáne qala joldaryndaǵy keptelis jaǵdaılaryn boldyrmaý maqsatynda qozǵalys baǵytyn aldyn ala josparlaýy qajet.
