Elordadaǵy Qabanbaı batyr dańǵyly segiz jolaqty bolady
NUR-SULTAN. QazAqparat – Elordadaǵy Qabanbaı batyr dańǵyly 8 jolaqty bolady. Bul týraly búgin Ortalyq kommýnıkatsııalar qyzmetindegi baspasóz máslıhatynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Sońǵy 10 jyl ishinde avtomobıl sany 2 eseden asa ulǵaıdy. 200 myń bolǵan edi, qazir shamamen 500 myńdy quraıdy. Bıyl 50 shaqyrymnan astam joldy, ıaǵnı 69 kósheni jóndedik. Qabanbaı batyr dańǵylyndaǵy júktemege qatysty másele bar. Kún saıyn tańerteńgi jáne keshki qarbalas shaqta osynaý magıstraldi jolda óte úlken júkteme baıqalady. Biz ony 8 jolaqqa deıin ulǵaıtamyz. Qazirgi ýaqytta jobalyq-smetalyq qujattamasy jedel jasalyp jatyr. Qabanbaı batyr dańǵylynda jáne Turan dańǵylyǵynda kóshe qıylystarynda jol aıryqtaryn salamyz. Olar taǵa túrinde bolady. Kelesi jyly bastaımyz», - dedi Altaı Kólginov.
Sonymen qatar ol elordanyń oń jáne sol jaǵalaýyn qosatyn 3 kópir salynatynyn aıtty. Atap aıtqanda, Esil ózeni men Nura-Esil arnasynan ótetin kópirlerdiń biri Táýelsizidk dańǵylynyń boıynda, eki kópir Uly dala boıynda salynady.
