Elordadaǵy Qabanbaı batyr dańǵyly 8 jolaqqa keńeıtiledi
«Ýálıhanov pen Baraev kóshelerinde, sonymen qatar Momyshuly kóshesi boıynda, Oqýshylar saraıy aýdanynda qurylys jumystary bastaldy. Turan men Uly dala dańǵyldarynda kollektorlar men tazartý qurylǵylaryn qaıta qurý júrgiziletin bolady. Ótken jyly eki tazartý qurylǵysyn saldyq. Bıyl alty nysan boıynsha júrgizilip jatyr. Úsheýin osy jyly aıaqtaýdy josparlap otyrmyz», - dedi ol.
Sonymen qatar qala basshysy elordanyń jol ınfraqurylymyn damytý máselelerine de toqtaldy.
«Sizdiń jol-kólik jelileriniń júktemesin jeńildetý tapsyrmańyzǵa sáıkes, birqatar mańyzdy joba bastaldy. Úkimet Qabanbaı batyr dańǵylyn 8 jolaqqa deıin keńeıtýdi, Qorǵaljyn tas joly, Qabanbaı batyr men Turan dańǵyldarynyń qıylysynda kólik aıyryǵyn salýdy qoldady. Qala boıynsha bıyl 100 shaqyrym jol salynyp, jóndeletin bolady. Sonymen qatar Uly dala dańǵyly boıymen Esil ózeni jáne Nuraı-Esil arnasy arqyly 2 kópir qurylysyn aıaqtaý josparlanǵan. Sizdiń tapsyrmańyzben Esil ózeni arqyly Táýelsizdik dańǵyly boıynda jańa kerme kópir qurylysy bastalady. Atalǵan úsh kópirdi jáne joldardy salý qalanyń kólik ınfraqurylymynyń júktemesin aıtarlyqtaı tómendetedi», - dedi Altaı Kólginov Memleket basshysy Qasym-Jomart Toqaevqa qarata.
