Elordadaǵy iri jol apaty: Avtobýs júrgizýshisi 30-dan astam adamdy qutqarǵan
NUR-SULTAN. QazAqparat - Elordada eki kún buryn avtobýstardyń soqtyǵysýynan bolǵan jol apatynda qoǵamdyq kólik júrgizýshisi 30-dan astam adamdy qutqarýǵa kómektesti. Bul týraly «Astana LRT» JShS baspasóz qyzmetinen málim etti, dep habarlaıdy QazAqparat tilshisi.
Atap ótilgendeı, Baqdáýlet Álibek №1 avtobýs parkiniń júrgizýshisi.
«Baqdáýlet Álibek el astanasynda bolǵan iri jol apatynan zardap shekken 30-dan astam jolaýshyǵa birinshi bolyp kómek kórsetkenderdiń biri. Baqdáýlet óziniń baǵdary boıynsha júrip kele jatqan kezde apat bolǵanyn kóredi. Kómekke muqtaj adamdardy kórgen ol, saspaı, avtobýsty toqtatyp, óz jolaýshylarynan birlesip kómek kórsetýin surady. Úsh adamnyń kómegimen ol esigi ashylmaı qalǵan avtobýstan adamdardy shyǵarǵan. Esikterdi ashyp, adamdardy alyp shyǵa aldy. Olardyń arasynda ártúrli aýyrlyqtaǵy jaraqattar alǵan adamdar bolǵan edi», - delingen habarlamada.
Baqdáýlettiń aıtýynsha, ol avtoparkte ótken qaýipsizdik nusqaýlaryn oryndaǵan. Sondyqtan osyndaı jaǵdaılarda qalaı áreket etý kerektigin bilgen.
«Biz Baqdáýletke belsendiligi men uıymdastyrýshylyq qabileti úshin alǵys bildiremiz», - dedi kompanııadan.
Aıta keteıik, osydan eki kún buryn elordada úlken jol-kólik apaty boldy. Qala mańyna qatynaıtyn 301-shi baǵdardyń ekspress-avtobýs qatty jyldamdyqpen baǵdarshamda turǵan 12-inshi avtobýsqa soǵyldy. Óz kezeginde 12-avtobýs ekpinmen jedel medıtsınalyq járdem kóligi men taǵy bir avtobýsqa soǵyldy.
Saldarynan 301-shi baǵdardyń júrgizýshisi jáne aldyńǵy orynda otyrǵan bir jolaýshy kóz jumdy. 36 adam zardap shekti.
«Astana LRT» basshysy Bekmyrza Igenberdınovtyń aıtýynsha, zardap shekkenderge ótemaqy tólenedi.
