Elordadaǵy Imanbaeva jáne Aqan seri kósheleriniń ýchaskeleri jabyldy
NUR-SULTAN. QazAqparat – Elordalyq Kólik jáne jol-kólik ınfraqurylymyn damytý basqarmasy PD ákimshilik polıtsııa basqarmasynyń kelisimimen jol qozǵalysy qaýipsizdigin qamtamasyz etý úshin birneshe kóshede jol tósemin jóndeý jumystaryn bastady, dep habarlaıdy QazAqparat qala ákimdiginiń resmı saıtyna silteme jasap.
Aqan seri kóshesi jóndeý jumystary júrgiziledi. Osyǵan baılanysty bıyl 2 qyrkúıekte saǵat 08:00-den 00:00-ge deıin N.Tilendıev dańǵylynan Qartaly kóshesine deıingi aralyǵynda kólik qozǵalysy ýaqytsha shekteledi.
Sonymen qatar, Sh.Imanbaeva kóshesinde jol tóseminiń ortasha jóndeý jumystary júrip jatyr. Sol sebepti 2-12 qyrkúıek aralyǵynda A.Baraev kóshesinen Imanov kóshesine deıingi ýchaskede qozǵalys jartylaı jabyldy.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», – delingen kólik basqarmasynyń habarlamasynda.
