Elordadaǵy hokkeıden ÁCh: Slovenııa alǵash ret jeńiske jetti
NUR-SULTAN. QazAqparat - Nur-Sultan qalasynda shaıbaly hokkeıden birinshi dıvızıonnyń A tobyndaǵy álem chempıonaty jalǵasýda. Kezekti jarys kúninde Slovenııa men Vengrııa quramalary kezdesti, dep habarlaıdy QazAqparat.
QR Ulttyq Olımpıadalyq komıtetiniń málimetine sáıkes, kezdesý Slovenııa quramasynyń aıqyn jeńisimen aıaqtaldy. Olar Vengrııa qaqpasyna jaýapsyz alty shaıba soǵyp, iri jeńiske jetti.
Aıta ketelik, atalǵan eki komanda da elıtalyq dıvızıonǵa joldama alý múmkindiginen aıyrylǵan. Ázirge joldamaǵa Qazaqstan, Belarýs jáne Ońtústik Koreıa quramalary talasýda,
Erteń, 4 mamyr kúni, bizdiń komanda týrnırdiń basty favorıti - Belarýs quramasymen kezdesedi. Oıyn 17.30-da bastalady.
