Elordadaǵy HQKO-da sheteldikter úshin qosymsha sektor ashyldy

ASTANA. QazAqparat – Elordada sheteldik azamattardyń Halyqqa qyzmet kórsetý ortalyǵyna jıi júginýine baılanysty qosymsha sektorlar ashyldy, dep habarlaıdy QazAqparat tilshisi.

Bul týraly «Azamattarǵa arnalǵan úkimet» memlekettik korporatsııasy» KEAQ Astana qalasy boıynsha fılıaly dırektorynyń orynbasary Dınara Qýanysheva aıtty.

«Sheteldik azamattardyń Halyqqa qyzmet kórsetý ortalyqtaryna júginýiniń ulǵaıýyna baılanysty «Azamattarǵa arnalǵan úkimet» memlekettik korporatsııasy Saýran, 7 mekenjaıynda ornalasqan 20 jumys ornyna qosymsha sektor ashý týraly sheshim qabyldady», - dedi Dınara Qýanysheva elorda ákimdiginde ótken brıfıngte.

Sondaı-aq, spıkerdiń aıtýynsha, A-82 kóshesinde ornalasqan «Nurly jol» temirjol vokzalynda 15 jumys orny bar kóshi-qon qyzmeti sektory jumys isteıdi.

«JSN qyzmetin alý úshin kórsetiletin qyzmetti alýshynyń ózimen birge jeke basyn kýálandyratyn qujaty, úshinshi tulǵa júgingen jaǵdaıda notarıaldy kýálandyrylǵan senimhaty bolýy qajet. Qyzmet kórsetý merzimi - 1 jumys kúni», - deıdi D. Qýanysheva.

Buǵan deıin Astana qalasynyń polıtsııa departamenti kóshi-qon qyzmeti basqarmasynyń bastyǵy Arman Baımuhanbet jyl basynan beri Astanaǵa qansha sheteldik azamat kelgenin jarııalaǵan edi.

Al sheteldikterdi qabyldaıtyn jeke jáne zańdy tulǵalar kelýshileri týraly Іshki ister organdaryna habarlaýy tıis. Zań buzǵandarǵa aıyppul qarastyrylǵan.

Sondaı-aq, 96 adam bosqyn mártebesin alý úshin Astana ákimdigine júgingen.