Elordadaǵy halyqaralyq týrnırde Belarýs hokkeıshileri Reseıdi jeńdi
ASTANA. QazAqparat - Búgin Astanada ótip jatqan halyqaralyq «Qazaqstan Hockey Open 2023» týrnırinde Belarýs quramasy Reseıden basym tústi, dep habarlaıdy QazAqparat tilshisi.
Kezdesý barysynda Belarýs hokkeıshileri Reseıdi 6:4 esebimen tize búktirdi.
Belarýs sapynan Nıkıta Pyshkaılo 2, Tımofeı Kovgorenıa 25, 48, 57, Sergeı Sapego 33, Egor Ignatenko 52, Sergeı Zaıagın 55-mınýtta mergendik tanytty.
Al, Reseı sapynan Valentın Zykov 12, Andreı Chıvılev 27, Marat Haırýllın 46, 53-mınýtta kózdegen nysanadan múlt ketken joq.
Osylaısha, Belarýs quramasy qarsylasynan 7:4 esebimen basym tústi. Endi olar 7 mamyrda Qazaqstanmen kezdesedi.
Eske salsaq, 5 mamyrda Reseı quramasy qazaqstandyqtardy 3:0 esebimen jeńgen edi.
Aıta keteıik, 13 mamyrda qazaqstandyq hokkeıshiler Fınlıandııanyń Tampere jáne Latvııanyń Rıga qalasynda ótetin álem chempıonatynda V tobyndaǵy oıynyn bastaıdy. Qarsylastary – Kanada, AQSh, Shveıtsarııa, Slovakııa, Latvııa, Norvegııa jáne Slovenııa.
