Elordadaǵy «Grand Astana» problemaly qurylys nysany 2011 jyldyń ekinshi jartysynda salynyp bitedi - N. Tıhonıýk
STANA. Shildeniń 30-y. QazAqparat /Jasulan Amanbaıuly/ - Elordadaǵy problemaly qurylys nysany bolyp tabylatyn «Grand Astana» turǵyn úı kesheni kelesi jyldyń ekinshi jartysynda salynyp bitedi. Bul týraly búgin baspasóz máslıhatynda QR Indýstrııa jáne jańa tehnologııalar mınıstrliginiń Qurylys jáne turǵyn úı-kommýnaldyq sharýashylyq komıteti tóraǵasynyń orynbasary Nıkolaı Tıhonıýk málim etti, dep habarlaıdy QazAqparat.
«Grand Astana» kesheniniń A blogyn «Qazkommertsbank» pen «BTA banki» qarjylandyrady. Al qurylystyń eń bastapqy kezeńinde turalap qalǵan E jáne F bloktaryn memleket aıaqtaıdy. Qazirgi ýaqytta onyń qurylysynyń aıaqtalýy jaqyn. 2011 jyldyń ekinshi jartysynda tolyq tapsyrylady dep kútilýde», dep atap kórsetti N. Tıhonıýk.
Onyń aıtýynsha, jalpy turǵyn úı sektorynda qalyptasqan ahýalǵa baılanysty úleskerlerdiń máselelerin sheshý úshin, 2008 jyly qala aýmaǵynda qurylystary turalap qalǵan 34 problemaly nysannyń qurylys jumystaryn sońyna deıin aıaqtaýǵa qarajattar baǵyttalǵan. Nátıjesinde 2009 jyldyń sońynda tipti qazyǵy da qaǵylmaǵan nysandardyń 17-si aıaqtaldy. Baspanaǵa 4200 úlesker ıe boldy. Al 16 nysandy salýdy mamandar jónsiz, tıimsiz dep tapty.
