Elordadaǵy fılarmonııada qazaq, koreı kompozıtorlarynyń shyǵarmalary oryndalady
ASTANA. QazAqparat - 15 mamyrda Astanada Memlekettik akademııalyq fılarmonııanyń Sımfonııalyq orkestri qazaq, koreı kompozıtorlarynyń shyǵarmalarynan kontsert usynady, dep habarlaıdy QazAqparat.
Munda, arnaıy shaqyrtý alǵan solıster Qalamqas Jumabaeva (skrıpka, Qazaqstan) Kım Hen-Sıl (vıolonchel, Ońtústik Koreıa) jáne dırıjer ıÝn Kı-En (Ońtústik Koreıa) óner kórsetip, sımfonııalyq mýzykaǵa quralǵan keshtiń sánin keltiredi.
Kontsertte qazaq, orys, batys eýropa jáne koreıa kompozıtorlarynyń shyǵarmalary oryndalady. Mysaly, Petr Chaıkovskııdiń besinshi sımfonııasy mı mınor or. 64, Antonın Dvorjaktyń sı mınor or.104 (orkestrmen vıolonchelıdiń oryndaýynda), Edil Qusaıynovtyń «Qypshaq jyryn», koreı ánderi taqyrybyna arnalǵan Tsoı Sýng-Hvannyń «Arırangyn» aıtýǵa bolady. Sımfonııalyq orkestrdiń bas dırıjeri Ernar Nurtazın.
Kım Hen-Sıl koreı eliniń tanymal vıolonchelısi, akademııalyq mýzykanyń kórnekti nasıhattaýshysy. Ol Berlın memlekettik mýzyka ýnıversıteti men Blýmıngton qalasyndaǵy Úndistan ýnıversıtetiniń túlegi.
Kım Hen-Sıl «Seoul Arts Center Composition Festival», «Dajeon Modern Music Festival», «Dajeon Chamber Festival», «Dajeon Arts Center Chamber Society» jáne t.b festıvalderge solıst sanatynda shaqyrylǵan ónerpaz.
Sondaı-aq, ol Dajeon Philharmonic Orchestra, Dajeon arts orcherstra, Festival Orchestra, Bella String Ensemble, Daedeok Orchestra, PCBC Orchestra, Cheongju Chamber Orchestra syndy orkestrlermen birge óner kórsetken.
Kım Hen-Sıl «Sony music Korea» kompanııasymen birlesip «Soul Cello CD» atty albom jazǵan, sonymen qatar «Soul Cello-Spiritual Songs» atty nota dápterin shyǵarǵan.
ıÝn Kı-En Seýl Memlekettik ýnıversıtetiniń túlegi. Ol orkestrlik aspaptar (klarnet) fakýltetinde oqyp júrip, búkilkoreıalyq tanymal «Dong-A» baıqaýyna qatysyp, jeńimpaz atanǵan. Bul baıqaýdan keıin, ıÝn Kı-Ennyń esimi elge tanylyp, ony Ońtústik Koreıanyń túrli orkestrleri solıst retinde shaqyra bastady.
Ataqty mýzykanttyń shyǵarmashylyq jolynda taǵy bir mańyzdy jeńis Koreılik habar taratý júıesiniń (KBS) birinshi syılyǵy boldy. Bul jeńis onyń abyroıyn asqaqtatty. Eldiń moıyndaýyna sebepker boldy.
ıÝn Kı-En dırıjer retinde Petrozavodsk konservatorııasynyń orkestrinde, Karel fılarmonııalyq orkestrinde, Adygeıa Respýblıkasynyń fılarmonııalyq orkestrinde Donets fılarmonııalyq orkestrinde, Arymdaýn jáne t.b orkestrlerde qyzmet atqarǵan.
Qazirgi tańda ıÝn Kı-En Máskeý festıvaldi orkestriniń jáne Máskeý sımfonııalyq orkestriniń, sondaı-aq, Ulttyq sımfonııalyq orkestriniń arnaıy shaqyrtylǵan dırıjeri, sonymen birge Gong-zý Memlekettik Pedagogıkalyq ýnıversıtetiniń mýzykalyq fakýltetiniń professory bolyp tabylady.
Qalamqas Jumabeva QR Tuńǵysh Prezıdenti - Elbasynyń qory syılyǵynyń ıegeri, M. Stıharj jáne B. Vaıkl atyndaǵy baıqaýynyń, Halyqaralyq «Eýrazııa» konkýrsy syndy kóptegen Halyqaralyq jáne Respýblıkalyq festıvalderdiń jeńispazy. Ol «Qazaqstan Kameratasy» (1999-2009), Qazaqstan Respýblıkasynyń Memlekettik sımfonııalyq orkestri (2009-2014), Almaty sımfonııalyq orkestri «ASO» (2012-2013), «Astana operasy» teatrynyń sımfonııalyq orkestri (2014-2016), Marıın teatrynyń sımfonııalyq orkestrlerinde (2016-2017) qyzmet atqarǵan. Qalamqas Jumabaeva V. Gergıev, Sh. Dıýtýa, E. Lıper, K. Djenkıns, A.Anısımova, I.Vıldner, E.Býshkov, A.Allemandı, M.Gıýttler, P.Domıngo syndy áıgili talanttarmen áriptes boldy.
