Elordadaǵy Esil ózenine paıdalanýdan qalǵan káriz sýlary tógilip jatyr - Á. Jolshybekov
ASTANA. Qyrkúıektiń 15-i. QazAqparat /Qanat Mámetqazyuly/ - Elordadaǵy Esil ózenine paıdalanýdan qalǵan káriz sýlary tógilip jatyr. Búgin QR Parlamenti Májilisiniń jalpy otyrysynda depýtat Ámzebek Jolshybekov osy máseleni kóterip, Astana qalasynyń ákimi Imanǵalı Tasmaǵanbetov pen Densaýlyq saqtaý mınıstrligi Memlekettik sanepıdemıologııalyq qadaǵalaý komıtetiniń tóraǵasy Keńes Ospanovtyń atyna saýal joldady.
Depýtattyń aıtýynsha, Astana qalasynyń turǵyndary Esil ózenine qatysty tabıǵatty qorǵaý zańnamasy buzylyp otyrǵandyǵy týraly birneshe márte alańdaýshylyq tanytqan. «Atap aıtqanda, Esil ózenine osy mańǵa jaqyn ornalasqan turǵyn úılerden aýanyń lastanýyna áser etetin, adamnyń ómiri men densaýlyǵyna asa qaýip tóndiretin paıdalanýdan qalǵan káriz júıesindegi las sýlar jiberilip jatyr. Bundaı sýdy ózenge aǵyzýǵa eshkimniń de quqyǵy joq. Qazirgi tańda mamandar aǵyndy sýlardyń lastanýy joǵary deńgeıge jetkenin anyqtap otyr. Bunyń ózi Esil ózeni toǵanynan aýlanǵan balyqtardy taǵamǵa paıdalanýdyń da qaýipti bolatynyn dáleldeıdi. Aǵyndy, las sýlar jınalǵan kóldegi balyqtardyń iri bolatyny daýsyz. Degenmen, túrli qoqystar aralasqan azyqtarmen qorektengen balyqtar densaýlyqqa zııan keltiredi», dedi depýtat.
Osyǵan oraı, Á. Jolshybekov Esil ózenine paıdalanýdan qalǵan las sýlardyń aǵýynyń aldyn-alý maqsatynda kezek kúttirmes sharalar qabyldaýdy surady.
