Elordadaǵy epıdemıologııalyq ahýal turaqty - Sarhat Beısenova
ASTANA. QazAqparat – Elordadaǵy epıdemıologııalyq jaǵdaı turaqty. Bul týraly bas shahardyń kommýnıkatsııalar qyzmetinde ótken brıfıngide Astana qalasynyń bas memlekettik sanıtarııalyq dárigeri Sarhat Beısenova aıtty, dep habarlaıdy QazAqparat tilshisi.
«Aǵymdaǵy jyldyń І toqsanynyń qorytyndysy boıynsha elordadaǵy ınfektsııalyq, parazıttik, karantındik jáne asa qaýipti ınfektsııalar boıynsha epıdemıologııalyq jaǵdaı qolaıly dep baǵalanady. Búginde ınfektsııalyq syrqattanýshylyqtyń 48 nozologııasy boıynsha tirkelmegen. Olar: tyrysqaq, ish súzegi, botýlızm, qyzamyq, dıfterııa, lısterıoz, brýtsellez, sibir jarasy, qyshyma jáne taǵy da basqalary. Juqpaly aýrýlar men tamaqtan ýlanýdyń toptyq jaǵdaılary tirkelgen joq. Sanıtarııalyq qyzmet turaqty negizde júrgizetin juqpaly aýrýlar boıynsha profılaktıkalyq jáne epıdemııaǵa qarsy is-sharalardyń arqasynda 4 nozologııa boıynsha jaǵdaılardyń tómendeýine qol jetkizýge múmkindik berdi. Mysaly, skarlatın - 44%, jelsheshek - 33%, enterobıoz jáne pedıkýlez 32%. Sondaı-aq, 4 aýrýdyń kórsetkishterin ótken jyldyń uqsas kezeńiniń deńgeıi sııaqty ustap qala aldyq. Olar: týberkýlez, serozdy menıngıt, V jáne S gepatıtteri», - dep málim etti Sarhat Beısenova.
