Elordadaǵy dermatologııa ortalyǵynda ashyq esik kúnderi ótedi
ASTANA. QazAqparat - Astanada 29 qazan kúni dúnıejúzilik psorıaz kúnine oraı ashyq esik kúnderin ótkizedi.
Onda kelýshilerdiń bárine atalǵan problema boıynsha terini kútý, tamaqtaný erekshelikterine baılanysty aqparattyq býkletter beriledi. Sondaı-aq, barlyq tilek bildirýshiler dermatovenerolog dárigerden keńes ala alady.
Dúnıejúzilik psorıaz kúni psorıaz naýqastarynyń halyqaralyq federatsııasy qaýymdastyǵynyń bastamasymen 2004 jyldan bastap 29 qazanda jyl saıyn ótkizilip keledi. Bul kún psorıaz nemese psorıatıkalyq artrıtke shaldyqqan adamdarǵa arnalǵan.
Dúnıejúzilik psorıaz kúni shyn mánisinde aýqymdy oqıǵaǵa aınaldy. Psorıaz - adamdar arasynda jıi kezdesetin teri aýrýlarynyń biri. Odan jalpy planeta turǵyndarynyń ortasha eseppen alǵanda 2-den 7 paıyzy zardap shegedi.
