Elordadaǵy boks keshi: Taǵy bir qazaq boksshysy ózbekstandyq qarsylasyn tize búktirdi

NUR-SULTAN. QazAqparat – Elordadaǵy Jaqsylyq Úshkempirov atyndaǵy Jekpe Jek saraıynda ótip jatqan kásipqoı boks keshiniń taǵy bir jekpe-jegi otandasymyzdyń jeńisimen aıaqtaldy, dep habarlaıdy QazAqparat tilshisi.

Aıdar Ámirzaqov (Qazaqstan) pen Dılshodbek Isroılov (Ózbekstan) arasyndaǵy kezdesýdiń alǵashqy eki raýndy ańdysýmen ótti.

Qalǵan eki raýndta sharshy alań ıesiniń soqqylary kózdegen jerine dóp tıip jatty.

Tóreshilerdiń sheshimi boıynsha Aıjar Ámirzaqov 37:39 esebimen jeńiske jetti.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetiledi.

Eske sala keteıik, keshtiń basty aıqasynda Olımpıada chempıony Danııar Eleýsinov pen argentınalyq Hýan Ernan Leal jartylaı orta salmaqtaǵy IBO chempıondyq belbeýine talasqa túsedi.

Jalpy, kesh aıasynda Qazaqstannyń 14 (13 jup) boksshysynyń ónerin tamashalaýǵa bolady.