Elordadaǵy boks keshi: Aıdar Sháribaev reseılik boksshyny jeńip ketti

NUR-SULTAN. QazAqparat – Elordanyń Jaqsylyq Úshkempirov atyndaǵy «Jekpe-jek» saraıynda Táýelsizdiktiń 30 jyldyǵyna oraı ótkizilip jatqan kásipqoı boks keshiniń altynshy jekpe-jeginde de qazaqstandyq boksshy jeńiske jetti, dep habarlaıdy QazAqparat tilshisi.

63,5 keli salmaq ólshemi boıynsha qazaqstandyq Aıdar Sháribaev Reseı atynan synǵa túsip júrgen Shohrýh Abdıevpen kúsh synasty.

Alty raýndtyq aıqastyń úshinshi raýndynda qazaqstandyqtyń aýyr soqqylary qarsylasyn eki ret tizerletti.

Tóreshilerdiń biryńǵaı sheshimi boıynsha jeńis Qazaqstan boksshysyna buıyrdy. Esep — 57:57,57:56, 59-54.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.