Elordadaǵy blokpostar qashan alynady – Altaı Kólginovtiń jaýaby
NUR-SULTAN. QazAqparat - Elordaǵa kirip, shyǵatyn joldardaǵy blokpostar ázirshe alynbaıdy. Bul týraly Habar-24 telearnasynyń tikeleı efırinde Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Biz úsh baǵytta jumys istep jatyrmyz. Birinshisi - syrtqy shekaranyń jabylýy. Alǵashqy vırýstyń shetelden kelgendigin jáne sodan keıin baryp taralǵandyǵyn eskere otyryp halyqaralyq reıster toqtatyldy», - dedi ol.
Elorda ákiminiń aıtýynsha, ekinshi baǵytta ishki shekaralar, ıaǵnı, óńiraralyq shekaralardy jabý jumystary qolǵa aldyndy.
«Qazirgi ýaqytta ár óńirdegi epıdemıologııalyq ahýaldyń ártúrli ekendigin kórip otyrmyz jáne blokpostardyń arqasynda ózin-ózi oqshaýlaý, áleýmettik ara qashyqtyq rejımin qamtamasyz etip, vırýsty oqshaýlaı aldyq», - dedi Altaı Kólginov.
Onyń aıtýynsha, úshinshi baǵytta qalada oramishilik baqylaýdy kúsheıtý jumystary júrgizildi. Bul da vırýstyń taralýyna qatysty jaǵdaıdy baqylaýǵaalýǵa múmkindik berdi.
«Maýsym aıynda temir jol qatynasy qaıta jandanatyn bolady. Osyǵan oraı blokpostqa qatysty máseleni qarastyryp jatyrmyz. Biraq, mamyr aıynyń sońyna deıin blokpostardy almaımyz», - dedi Nur-Sultan qalasynyń ákimi.
