Elordadaǵy birqatar medıtsına mekemelerine jańa jabdyqtar jetkizildi
NUR-SULTAN. QazAqparat - Nur-Sultandaǵy № 12 emhana men otbasylyq densaýlyq ortalyǵyna koronavırýs ınfektsııasyna dıagnostıka jasaýǵa múmkindik beretin joǵary sapaly sandyq rentgen apparattary jetkizildi.
Bul týraly QazAqparat elorda ákimdiginiń resmı saıtyna silteme jasap habarlaıdy.
Jabdyq jergilikti bıýdjet qarajaty esebinen satyp alyndy.
Nur-Sultan qalasy ákiminiń orynbasary Baqtııar Máken birqatar medıtsına mekemelerine baryp, kúzgi maýsymdyq aýrýlardy JRVI jáne tumaýdyń ósýin eskerip, uıymdardyń COVID – 19-dyń ekinshi tolqynyna daıyndyǵyn tekserdi.
Sapar barysynda ákimniń orynbasary rentgen apparattary ornatylǵan súzgi jáne rentgen kabınetteriniń jumysymen tanysty.
Aıta keteıik, elordada COVID-19 aýrýynyń ósýi tirkeldi. Jaýapty tulǵalar qala turǵyndaryn sanıtarlyq normalardy qatań saqtaýǵa, maska taǵýǵa jáne qashyqtyqty saqtaýǵa shaqyrady.
Esterińizge sala keteıik, buǵan deıin medıtsına mekemelerine myńnan astam ottegi kontsentratory, 500 kópfýnktsıonaldy arnaıy tósek-oryn, myńnan astam floýmetr, 1600-ge jýyq ottegi núkteleri jáne t. b. ornatyldy.
