Elordadaǵy birqatar kóshelerde kólik qozǵalysy shekteledi

dep habarlaıdy QazAqparat Astana qalalyq Jol polıtsııasy basqarmasynyń baspasóz qyzmetine silteme jasap.

Habarlamada aıtylǵanyndaı, Abaı dańǵylynyń Sembınov kóshesinen Ýálıhanov kóshesine deıingi aralyǵy jańadan jol tóseý jumystaryna baılanysty tolyǵymen jabylǵan. Sonymen qatar Imanbaeva kóshesiniń Aqmola jáne Baraev kósheleri aralyǵyndaǵy ýchaskede qozǵalysqa shekteý qoıyldy. Potanın men Tilendıev kósheleriniń aralyǵynda ornalasqan Máskeý kóshesinde de jóndeý jumystary qarqyn alyp otyr.

Keshendi túrde qaıta jóndeýge jatqyzylǵan Q.Muńaıtpasov kóshesimen de kólik óte almaıdy. Onyń Táýelsizdik kóshesimen qıylysatyn tustan Abylaı han kóshesiniń qıylysyna deıingi aýmaǵy jabylǵan.

Beıbitshilik jáne Jeńis dańǵyly aralyǵyndaǵy Seıfýllın atyndaǵy kósheniń boıynda kólik qozǵalysy jartylaı shektelip otyr.

Astana qalasynyń Jol polıtsııasy turǵyndar men júrgizýshilerge osy aqparattardyń negizinde aldyn ala barar baǵytty tıimdi aıqyndap alýǵa keńes beredi.