Elordadaǵy Bıgeldınov kóshesi men Alash tas joly jartylaı jabyldy
NUR-SULTAN. QazAqparat - Elordadaǵy Bıgeldınov kóshesi men Alash tas joly 10 tamyzǵa deıin jartylaı jabyldy, dep habarlaıdy QazAqparat qala ákimdiginiń resmı saıtyna silteme jasap.
Kóshe-jol jelisin ortasha jóndeý aıasynda Bıgeldınov kóshesinde Saryarqa dańǵylynan Jeltoqsan kóshesine deıingi ýchaskede jol qurylysy josparlanǵan, dep málim etti qalalyq kólik jáne jol ınfraqurylymyn damytý basqarmasy. Osyǵan baılanysty 4-10 tamyz aralyǵynda qozǵalysty ishinara jabý josparlanǵan. Sonymen qatar 4-10 tamyz aralyǵynda Alash tas jolyndaǵy kópirden Jolymbet kóshesine deıin kólik qozǵalysy jartylaı toqtatylady. Elorda turǵyndary men qonaqtary qala joldarynda keptelis týdyrmaý úshin marshrýtyn aldyn ala josparlaýy kerek. «Keltirilgen qolaısyzdyq úshin keshirim ótinemiz jáne jóndeý jumystaryna túsinistikpen qaraýdy suraımyz», – delingen habarlamada.
