Elordadaǵy Beısekova kóshesi erteńnen bastap jabylady
ASTANA. QazAqparat – Astanada jol-kólik aıyryǵynyń qurylysyna baılanysty Shara Beısekova kóshesi kólik qozǵalysy úshin tolyǵymen jabylady, dep habarlaıdy QazAqparat.
«Elordanyń Kólik jáne jol-kólik ınfraqurylymyn damytý basqarmasy N.Tilendıev dańǵyly men Sh.Beısekova kóshesiniń qıylysynda eki deńgeıli jol-kólik aıyryǵynyń qurylysyn júrgizetin bolady.
Osyǵan baılanysty jol qozǵalysy qaýipsizdigin qamtamasyz etý úshin 25 naýryzdan bastap N.Tilendıev dańǵylynyń qıylysynda Sh.Beısekova kóshesi (Seıfýllın kóshesi jaǵynan jáne»Sálem«bazary jaǵynan) boıymen kólik qozǵalysy tolyǵymen toqtatylady», - delingen Astana ákimdiginiń habarlamada.
Qazir jol-kólik aıyryǵy salynatyn aýdanda ınjenerlik jeli qurylysy, sondaı-aq kópir ótkeliniń temir-betondy dińgekterin ornalastyrý bastaldy.
Jolda keptelis týdyrmaý úshin júrgizýshilerge qozǵalys baǵytyn aldyn ala josparlaýǵa keńes beriledi.
