Elordadaǵy Beıbitshilik kóshesi 5 shildege deıin jartylaı jabyldy
NUR-SULTAN. QazAqparat – Elordadaǵy Beıbitshilik kóshesi 5 shildege deıin jartylaı jabyldy.Júrgizýshiler keptelis týdyrmaý úshin marshrýtyn aldyn-ala josparlaýy kerek, dep habarlaıdy Nur-Sultan ákimdiginiń resmı saıty.
«Jol jelisin ortasha jóndeý aıasynda Beıbitshilik kóshesinde Esenberlın kóshesinen Bógenbaı batyr dańǵylyna deıingi ýchaskede qurylys jumystary júrgizilýde», – delingen qalalyq kólik jáne jol-kólik ınfraqurylymyn damytý basqarmasynyń habarlamasynda. Osyǵan baılanysty 21 maýsym men 5 shilde aralyǵynda qozǵalysty ishinara jabý josparlanǵan. Elorda turǵyndary men qonaqtary qala joldarynda keptelis týdyrmaý úshin baǵytyn aldyn-ala josparlaýy kerek. «Qolaısyzdyqtar úshin keshirim ótinemiz jáne jóndeý jumystaryna túsinistikpen qaraýdy suraımyz», – delingen habarlamada.
