Elordadaǵy Baıqońyr aýdanynda sottar ashyldy
ASTANA. QazAqparat - Astanadaǵy tórtinshi «Baıqońyr» aýdany boıynsha qylmystyq jáne azamattyq isterdi qaraıtyn sottar ashyldy. Bul týraly Astana qalalyq sotynyń baspasóz qyzmetinen málim boldy, dep habarlaıdy QazAqparat.
2018 jylǵy 28 maýsymda QR Prezıdentiniń Jarlyǵymen Astana qalasynyń Baıqońyr aýdandyq soty jáne Baıqońyr aýdanynyń №2 aýdandyq soty quryldy.
Baıqońyr aýdandyq soty azamattyq isterdi qaraıdy. Sottyń ǵımaraty Abaı kóshesi 36 mekenjaıy boıynsha ornalasqan. Baıqońyr aýdanynyń №2 aýdandyq soty qylmystyq isterdi qaraıdy. Bul ister Jeńis kóshesi 15A mekenjaıynda talqylanady.
Esterińizge sala keteıik, bıyl Astanada tórtinshi jańa aýdan paıda bolyp, osy aýmaqqa «Baıqońyr» aýdany degen ataý berildi. Onyń aýmaǵy 18 129 gektardy quraıdy, al turǵyndarynyń sany - 211 myń adam.
