Elordadaǵy barlyq mekeme jumysynyń toqtatylýy týraly aqparat jalǵan - ákim
NUR-SULTAN. QazAqparat – Nur-Sultan qalasynyń ákimi Altaı Kólginov qaladaǵy memlekettik mekemelerdiń báriniń jumysyn toqtatqany týraly aqparatty joqqa shyǵardy, dep habarlaıdy QazAqparat.
«Aýa raıynyń qolaısyzdyǵyna baılanysty qaladaǵy barlyq mekemelerdiń jumysyn toqtatýǵa qatysty aqparat shyndyqqa janaspaıdy», - dep jazdy ákim Instagram paraqshasynda.
Qala basshysy tek resmı aqparatqa senýdi surady.
«Barlyq aqparat Nur-Sultan qalasy ákimdiginiń resmı saıtynda jáne akkaýnttarynda bar», - deıdi ol.
Aıta ketsek, elordada keshe túnnen beri qatty boran soǵyp tur. Aýa raıynyń qolaısyzdyǵynan Nursultan Nazarbaev halyqaralyq áýejaıynda qazirgi ýaqytta 38 avıareıs keshiktirilip, 11 reıs toqtatyldy.
