Elordadaǵy barlyq eskertkish kúrdeli jóndeýden ótedi
NUR-SULTAN. QazAqparat - Elordadaǵy barlyq eskertkishter bıyl qaıta jóndeýden ótkiziledi. Bul týraly búgin elorda ákimdiginde ótken keńeıtilgen keńeste Nur-Sultan qalasy ákiminiń orynbasary Baqtııar Máken aıtty, dep habarlaıdy QazAqparat tilshisi.
«Ekinshi dúnıejúzilik soǵystaǵy jeńistiń 75 jyldyq merekesine oraı sharalardy bekitilgen josparǵa sáıkes bilim mekemelerinde, joǵary oqý oryndarynda aqpan aıynan bastaımyz. Qazir eń jas ardagerimizdiń jasy 91-de. 52 ardagerimiz bar. Shynyn aıtsaq, saýsaqpen sanarlyq qana ardagerimiz qaldy. Sol kisilerge de erekshe kóńil aýdarýymyz qajet. Biraz ardagerimiz qalada tirkelgenimen aýylda turyp jatyr. Biraq, biz olardy aýyl, qala dep bólmeı teń deńgeıde qaraımyz», - dedi ol.
Ákim orynbasary elordada Ekinshi dúnıejúzilik soǵysqa arnalǵan «Otan Ana» monýmenti bar ekendigin eske saldy.
«Ol biraq eskirip qaldy. Sondyqtan kúrdeli jóndeý úshin arnaıy qarajat bóldik. Tolyǵymen kúrdeli jóndeý jumystaryn júrgizemiz. Ony sáýir aıyna deıin bitirýimiz kerek. 9-mamyrǵa deıin daıyn bolýy tıis. Jalpy, qalada barlyq eskertkishterdi jóndeýden ótkizemiz. Abaı kóshesindegi Abaı eskertkishinen bastap barlyǵyn qaıtadan jańartyp, abattandyramyz», - dedi Baqtııar Máken.
