Elordadaǵy balalar úıiniń tárbıelenýshileri Kadet korpýsyna bardy

ASTANA. QazAqparat - Elordalyq balalar úıiniń tárbıelenýshileri Shoqan Ýálıhanov atyndaǵy QR Qorǵanys mınıstrliginiń Kadet korpýsyna bardy. Atalmysh shara mektepterde áskerı-patrıottyq tárbıeni kúsheıtý týraly Memleket basshysy Joldaýynyń talaptaryn iske asyrý sheńberinde uıymdastyryldy, dep habarlaıdy QR Qorǵanys mınıstrliginiń baspasóz qyzmeti.

Onda balalarǵa atalmysh oqý orny men onyń ǵylymı bazasymen tanysyp, áskerı tehnıkalardy, sport kesheni, murajaı sııaqtardy oryndardy aralap, kadetterdiń ómir súrýi, jalpy tynys-tirshiligin kórip qaıtty.

Baspasóz qyzmetiniń habarlaýynsha, Qorǵanys mınıstrliginiń basshylyǵy serjanttar quramyn daıyndaý men damytýǵa aıryqsha kóńil bóledi. Búginde Kadet korpýsy kásipqoı serjanttardy daıyndaýdyń negizgi ortalyǵy bolyp tabylady. Arnaıy baǵdarlama sheńberinde Qarýly Kúshterde jáne ózge de áleýetti kúshterde serjant laýazymdarynda kelisimshart boıynsha qyzmet etip jatqan kishi komandalyq quramnyń kásibı kadrlarynyń daıyndyǵy júrgizilýde.

Ekskýrsııa sońynda balalar úıiniń tárbıelenýshileri kadetterdiń ómirimen tanysýǵa múmkindik alǵandary úshin alǵys bildirdi.

Foto: QR Qorǵanys mınıstrliginiń saıty