Elordadaǵy azyq-túlik ónimderi 100 paıyz taza
ASTANA. QazAqparat - Astana qalalyq qoǵamdyq densaýlyq saqtaý departamentiniń uıytqy bolýymen «Astanalyq» bazary aýmaǵynda «Qaýipsiz ónimdi tańda!» naýqany ótkizilýde. Shara aıasynda bazardan kez kelgen azyq-túlik ónimin satyp alǵan adam onyń qaýipsizdigin arnaıy apparattar arqyly tekserý múmkindigine ıe, dep habarlaıdy QazAqparat.
«Bul shara tamyz aıynan beri elordalyqtardyń satyp alǵan kókónisteriniń, jemis-jıdekteriniń, sút jáne et ónimderiniń tazalyǵyna kóz jetkizýi úshin ótkizilip otyr. Aıyna eki ret Astananyń iri saýda ortalyqtarynda ótkizilýde. Búgingi kúnge deıin qaýipti deıtindeı azyq-túlik túrleri anyqtalǵan joq», - dedi shara aıasynda BAQ ókilderine suhbat bergen Astana qalasy Almaty aýdandyq qoǵamdyq densaýlyqty saqtaý basqarmasy basshysynyń orynbasary Gaýhar Shapataeva.
Onyń aıtýynsha, kelesi aktsııa «Shapaǵat» kommýnaldyq bazarynda, «Eýrazııa», «Ásem» saýda ortalyqtarynda ótkizililetin bolady.
Qazirgi ýaqytta bazarǵa kelgen árbir satyp alýshyǵa shuǵyl zerthanalyq zertteýlerdiń kómegi arqyly kókónister men jemis-jıdekterdegi nıtrattar mólsherin tegin tekserýge, tamaq ónimderiniń termııalyq óńdelýin baqylaýǵa, balyqtyń, shujyqtyń, baldyń jáne basqa qa azyq-túlik túrleriniń tabıǵılyǵyn anyqtaýǵa múmkindik beriledi.
