Elordadaǵy aınalma joldyń boıynda mal jaıǵandar jazaǵa tartyldy
NUR-SULTAN. QazAqparat – Elordada ekologııalyq polıtseıler aınalma joldyń boıynda jaıylyp júrgen iri qara maldyń ıelerin jazaǵa tartty, dep habarlaıdy QazAqparat.
12 iri qara mal qaraýsyz kúıinde Jeleznodorojnyı aýdany aýmaǵyndaǵy joldyń boıynda jaıylǵan. Іzdestirý sharalarynyń barysynda mal ıeleriniń Aqmola oblysy Shubar aýylynda turatyndyǵy anyqtaldy.
Belgili bolǵandaı, iri qara mal eki adamǵa tıesili bolyp shyqty. Olar aýyl sharýashylyǵy janýarlaryn baǵý erejesin buzǵany úshin ákimshilik jaýapkershilikke tartyldy. Sonymen qatar mal ıelerine profılaktıkalyq túsindirý jumystary júrgizildi.
