Elordadaǵy avtoservıs qyzmetkerinen 6 keli esirtki tárkilendi

NUR-SULTAN. QazAqparat – Nur-Sultanda polıtsııa kólik jóndeıtin oryndardyń birindegi 37 jastaǵy qyzmetkerden 7 esirtki oralǵan túıinshek tárkiledi, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Kúdiktiniń «Nissan» markaly avtokóligin tintý barysynda satýǵa daıyndalǵan esirtki salynǵan taǵy 3 polıetılen paketi tabyldy.

Saraptama qorytyndysyna sáıkes, tárkilengen «nashanyń» jalpy salmaǵy 6 keli boldy.

Atalǵan fakti boıynsha Qylmystyq kodekstiń 297-baby 2-bóligine sáıkes qylmystyq is qozǵaldy. Kúdikti ýaqytsha ustaý ızolıatoryna qamaldy. Qazir esirtkiniń oǵan qalaı kelgeni anyqtalyp jatyr.

Aıta keterldigi, jyl basynan beri polıtsııa zańsyz aınalymnan 32 keli esirtki tárkiledi.