Elordadaǵy avtoortalyq dırektory alaıaqtyq kúdigine ilindi

NUR-SULTAN. QazAqparat - Elordadaǵy «Nur-AvtoKz» avtoortalyǵynyń dırektory alaıaqtyq kúdigine ilindi, dep habarlaıdy QazAqparat tilshisi.

«Elorda polıtsııasyna júgingen qala turǵyndary «Nur-AvtoKz» avtoortalyǵy basshysynyń aldap, aqshalaryn ıelenip ketkendigi týraly shaǵymdandy. Fırmanyń 28 jastaǵy dırektory avtomobıl satý jeleýimen azamattarmen kelisimshart jasasyp, biraq, shartty oryndamaǵany anyqtaldy. Sonymen qatar kúdikti satyp alý-satý kelisimshartyn jasasý arqyly azamattardyń kólikterine ıelik etken. Alaıda, tólem jasamaǵan. Al kólikti úshinshi tulǵaǵa satyp jiberip otyrǵan», - dep atap ótedi Nur-Sultan qalalyq polıtsııa departamenti.

Qazirgi ýaqytta alaıaqtyq faktisi boıynsha qylmystyq is qozǵalǵan.

«Nur-AvtoKz» JShS-nyń dırektory tergeý oqshaýlaǵyshyna qamaldy. Tergeý júrgizilip jatyr», - delingen vedomstvo aqparatynda.