Elordadaǵy avtobýs jolaǵy ýaqytsha alynady
NUR-SULTAN. QazAqparat - Nur-Sultan qalasynda 2021 jyldyń 6 qyrkúıeginen bastap Turan dańǵylyndaǵy Bus Lane avtobýs jolaǵy ýaqytsha alynady. Bul týraly QazAqparat ákimdiktiń jelidegi paraqshasyna silteme jasap habarlaıdy.
Ózgeris Syǵanaq kóshesinen Kereı Jánibek handar kóshesine deıingi áýejaı baǵytyndaǵy ýchaskege ǵana engiziledi.
Bus Lane jolaǵyn ýaqytsha alyp tastaý týraly sheshimdi Nur-Sultan qalasynyń ákimdigi kóshelerdiń ótkizý qabiletin jaqsartý úshin, sondaı-aq oqý kezeńiniń bastalýyna jáne keıinnen elorda kóshelerindegi avtomobıl trafıginiń ulǵaıýyna baılanysty qabyldady.
Osy ýchaskedegi Bus Lane jumysy birqatar iri ınfraqurylymdyq sheshimder engizilgennen keıin qalpyna keltiriledi, olardyń biri Sh.Aıtmatov balamaly kóshesiniń qurylysyn aıaqtaý bolyp sanalady.
Aıta ketý kerek, Turan dańǵylyndaǵy Kereı Jánibek handar kóshesinen Syǵanaq kóshesine deıin «Han Shatyr» SOO baǵytynda Bus Lane joly ózgerissiz qalady.
Elorda turǵyndary men qonaqtaryn marshrýtty aldyn ala josparlaýdy suraımyz. Ol úshin Yandex kartasy, 2GIS yńǵaıly mobıldi qosymshalary bar.
Sondaı-aq, qala kóshelerinde turaqty marshrýttyq avtobýstar qozǵalysynyń basymdylyǵyn este ustaǵan jón.
