Elordadaǵy avtobýs parkteriniń birqatar laýazymdy tulǵalary jaýapqa tartyldy
ASTANA. QazAqparat - Elordada avtobýs júrgizýshileriniń 500-den astam quqyq buzýshylyǵy anyqtaldy, dep habarlaıdy QazAqparat tilshisi.
Astana qalalyq polıtsııa departamentiniń Instagramdaǵy resmı paraqshasynda jarııa etilgen málimetke sáıkes, elordada «Avtobýs» jedel aldyn alý sharasy 18-20 qazan aralyǵynda ótkizilgen. Shara qala joldarynda jolaýshylar men júkterdi tasymaldaýdy júzege asyratyn júrgizýshiler arasynda kólik basqarý tártibin arttyrý, qyzmetin tirkeýsiz júzege asyratyn júrgizýshilerdi anyqtaý maqsatynda uıymdastyrylǵan.
Nátıjesinde Jol polıtsııasy qyzmetiniń qyzmetkerleri jolaýshylar tasymaldaıtyn avtobýs júrgizýshileriniń 500-den astam quqyq buzýshylyǵyn anyqtaǵan. Onyń ishinde 60-qa jýyq júrgizýshi aýany lastaýshy zattardy normatıvten joǵary bóletin avtomotokólikterdi jáne basqa da jyljymaly quraldardy júrgizgen. 30-dan astam júrgizýshi avtobýs júrgizip kele jatyp telefonmen sóılesse, 20-ǵa jýyǵy júrgizýshi kóligin belgilengen jyldamdyqtan asyryp aıdaǵan. 30-dan astam avtobýs qala kóshelerine tehnıkalyq tekserýden ótpesten shyǵarylǵan. Osy jáne ózge de buqyq buzýshylyqtarǵa baılanysty avtobýs parkteriniń 10-ǵa jýyq laýazymdyq tulǵasy ákimshilik jaýapqa tartyldy.
Buǵan deıin Astanada jolaqy tólemegen 5 myńdaı jolaýshyǵa aıyppul salynǵany habarlanǵan bolatyn.
