Elordadaǵy aýyl sharýashylyǵy jármeńkesi uzartyldy

NUR-SULTAN. QazAqparat - Elordada Túrkistan oblysy taýar óndirýshileriniń aýylsharýashylyq jármeńkesi ótip jatyr. Qala turǵyndarynyń ótinishi boıynsha jármeńke 30 tamyzǵa deıin uzartyldy, dep habarlaıdy Nur-Sultan ákimdiginiń resmı saıty.

Nur-Sultanda Túrkistan oblysynyń 70-ten astam aýyl sharýashylyǵy óndirýshileri 535 tonna óz ónimderin usyndy, onyń ishinde et jáne et ónimderi, kókónister, kartop, sút, nan-toqash ónimderi, jemister men baqsha ónimderi, bal, jemis shyryndary, konservilengen ónimder, jumyrtqa bar. Munyń bárin dástúrli túrde naryqtyq baǵadan 15-20% tómen baǵamen satyp alýǵa bolady.

Jármeńke 29 tamyzǵa deıin sozylýy kerek edi, biraq qala turǵyndarynyń kóptegen ótinishteri boıynsha is-shara taǵy 30 tamyzǵa deıin uzartyldy (jármeńke dúısenbide bolady).

Jármeńke «Barys Arena» muz saraıynyń aýmaǵynda ótkiziledi.