Elordadaǵy aýrýhanaǵa denesin 50% kúıik shalǵan naýqastardy emdeıtin apparat ornatyldy
NUR-SULTAN. QazAqparat - Astanadaǵy aýrýhanaǵa kúıik jaraqatyn emdeýge arnalǵan jańa apparat ornatyldy. Endi zardap shekkender eldiń túkpir-túkpirinen medıtsınalyq mekemege jetkizilýde, dep habarlaıdy QazAqparat.
Kúıik jaraqatymen naýqastardy emdeýge mamandandyrylǵan jalǵyz bólimshe osy qalalyq aýrýhanada.
«Bizdiń aýrýhanaǵa patsıentter elimizdiń barlyq óńirlerinen keledi. Munda dárigerler kólemdi kúıik jaraqattarymen, denesiniń 50%-dan artyq bólgi zaqymdanyp, shuǵyl jetkizilgen naýqastardy emdeıdi. Bir jyl ishinde bólimsheden 50-den astam naýqas em alyp shyǵady. Olardy joǵary bilikti mamandar emdeıdi. Jańa qurylǵy dárigerlerdiń jumysyn áldeqaıda jeńildetedi jáne naýqastardyń tez qalpyna kelýine kómektesedi dep senemiz», – deıdi №1 kópbeıindi qalalyq aýrýhana dırektory Marat Abdýov.
