Elordadaǵy Áýezov kóshesindegi ýchaske ýaqytsha jabyldy
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polıtsııa basqarmasynyń kelisimimen M.Áýezov jáne J. Omarov kósheleriniń qıylysynda bıiktetilgen jaıaý júrginshiler ótkelin ornatý jumystaryn bastady. Bul týraly QazAqparat qala ákimdiginiń resmı saıtyna silteme jasap habarlaıdy.
Jumystar Jol qozǵalysynyń qaýipsizdigin qamtamasyz etý maqsatynda júrgiziledi. Osy jyldyń 8-9 shilde aralyǵynda jaıaý júrginshiler ótkelin jaılastyrýǵa baılanysty Abaı dańǵylynan S.Seıfýllın kóshesine deıingi aralyqtaǵy Áýezov kóshesi kólik qozǵalysy úshin ishinara jabylatyn bolady.
Budan basqa, 9-20 shilde aralyǵynda osy ýchaskede avtokólik quraldary úshin qozǵalys tolyǵymen jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy ótinemiz», — delingen kólik basqarmasynyń habarlamasynda.
