Elordadaǵy «Atameken» etnomemorıaldyq kesheninde «Murajaı túni» ótedi
ASTANA. QazAqparat - 18 mamyrda «Atameken» Qazaqstan kartasy» etnomemorıaldyq kesheni óziniń tól merekesin atap ótedi. Shara ıÝNESKO usynǵan «Murajaı jáne qoǵamnyń turaqty damýy» taqyrybynyń aıasynda uıymdastyrylady, dep habarlaıdy astana.kz.
18 mamyr - Halyqaralyq murajaılar kúnine arnalǵan merekelik baǵdarlama saǵat 9.00-de bastalady. Shara aıasynda tanymdyq jáne oıyn-saýyq sharalary ótkiziledi. Kelýshiler nazaryna Astana qalasynyń sol jaǵalaýynyń jańartylǵan maketteri, juldyzdardyń qatysýymen kontsert usynylady, vıktorınalyq suraqtar qoıylyp, konkýrstyq baǵdarlama uıymdastyrylady.
Sonymen qatar atalmysh etnomemorıaldyq keshen álemniń kóptegen murajaılary sekildi «Murajaı túni» aktsııasyna qatysady, demek, 18 mamyr kúni táýlik boıy murajaı esigi kelýshiler úshin ashyq bolady. Etnokeshende ótkiziletin mádenı baǵdarlamaǵa asfaltqa salynǵan «Murajaı - meniń álemim» atty balalardyń eń úzdik sýreti» jáne «Tarıhı taqyrypqa arnalǵan eń úzdik teatrlandyrylǵan kórinis» baıqaýlary engizildi. Eske salaıyq, Halyqaralyq murajaılar kúni 1978 jyldan bastap atap ótilip keledi. Bul kúni murajaılardyń esikteri kelýshiler úshin táýlik boıy ashyq bolady.
